«Feyenoord» AZ jamoasini mag‘lub eta olmadi — uchrashuv 1:1 hisobidagi durang bilan yakunlandi. Shunga qaramay, jamoa Erediviziya turnir jadvalida ikkinchi o‘rinni o‘zi uchun naqd qildi. Shu tariqa, «Feyenoord» keyingi mavsum uchun Chempionlar ligasi yo‘llanmasini qo‘lga kiritdi.

Rotterdamliklar Yevropaning eng nufuzli klublar turniri — 2026/2027 yilgi mavsum asosiy bosqichining 17-ishtirokchisiga aylandi. Jamoalar ro‘yxati quyidagicha:

«Arsenal», «Manchester Siti», «Manchester Yunayted», «Inter», «Barselona», «Real», «Vilyarreal», «Atletiko», «Bavariya», «Borussiya D», «RB Leypsig», «PSJ», «Lans», PSV, «Feyenoord», «Portu», «Galatasaray».

Yana 12 ta to‘g‘ridan-to‘g‘ri yo‘llanma egalari klublar mavsumi yakuniga qadar ma’lum bo‘ladi. Qolgan 7 ta yo‘llanma esa saralash bosqichida o‘ynaladi.