«Фейеноорд» АЗ жамоасини мағлуб эта олмади — учрашув 1:1 ҳисобидаги дуранг билан якунланди. Шунга қарамай, жамоа Эредивизия турнир жадвалида иккинчи ўринни ўзи учун нақд қилди. Шу тариқа, «Фейеноорд» кейинги мавсум учун Чемпионлар лигаси йўлланмасини қўлга киритди.

Роттердамликлар Европанинг энг нуфузли клублар турнири — 2026/2027 йилги мавсум асосий босқичининг 17-иштирокчисига айланди. Жамоалар рўйхати қуйидагича:

«Арсенал», «Манчестер Сити», «Манчестер Юнайтед», «Интер», «Барселона», «Реал», «Вильярреал», «Атлетико», «Бавария», «Боруссия Д», «РБ Лейпциг», «ПСЖ», «Ланс», ПСВ, «Фейеноорд», «Порту», «Галатасарай».

Яна 12 та тўғридан-тўғри йўлланма эгалари клублар мавсуми якунига қадар маълум бўлади. Қолган 7 та йўлланма эса саралаш босқичида ўйналади.