"Real" himoyachisi David Alaba faoliyatini Avstriyada davom ettirishi mumkin, deya xabar bermoqda Corriere dello Sport nashri.

Manbaga ko‘ra, «Zalsburg» klubi 33 yoshli futbolchini o‘z safida ko‘rishni istaydi. Himoyachining “Real” bilan shartnomasi yakuniga yetib bormoqda. Madrid klubi u bilan kelishuvni uzaytirmoqchi emas.

Joriy mavsum barcha musobaqalarda atigi 14 ta bahsda maydonga tushib, 415 daqiqa harakat qildi. U 2021 yildan buyon “Real” safida 130 ta o‘yinda qatnashib, 5 ta gol va 9 ta assist qayd etgan.