Tarixda ilk bor 48 ta jamoa ishtirok etadigan mundialga uch davlat — AQSH, Kanada va Meksika mezbonlik qiladi. Musobaqaning ochilish o‘yini 11 iyun kuni Meksikadagi mashhur «Asteka» stadionida bo‘lib o‘tadi va unda Meksika hamda JAR terma jamoalari o‘zaro to‘qnash keladi.
Mazkur turnirda amaldagi chempion — Argentina terma jamoasi o‘z unvonini himoya qiladi. Eslatib o‘tamiz, Lionel Messi sardorligidagi «albiseleste» JCH—2022 finalida Fransiyani penaltilar seriyasida mag‘lub etgan edi.
JCH—2026 bahslari 19 iyulga qadar davom etadi. Ta’kidlash joizki, mintaqalardagi vaqt farqi tufayli o‘yinlar Toshkent vaqti bilan juda keng diapazonni qamrab oladi. Muxlislar uchrashuvlarni tungi va ertalabki vaqtlarda kuzatib borishlariga to‘g‘ri keladi.
