«Barselona» yarim himoyachisi Frenki de Yong La Ligadagi chempionlik haqida o‘z fikrlarini bildirdi. Kataloniyaliklar 35-turda o‘z maydonlarida «Real»ni mag‘lub etib (2:0), titulni rasmiylashtirishdi.
«Ushbu chempionlik o‘z uyimizda, «Real»ga qarshi o‘yinda qo‘lga kiritilgani bilan ham alohida ahamiyatga ega. Endi bu zafarni muxlislarimiz bilan birgalikda nishonlashimiz kerak.
Flik jamoa uchun juda muhim inson. Uning g‘oyalari juda aniq, shu bilan birga, u futbolchilarga katta erkinlik beradi. Buning natijasida biz o‘z mahoratimizni to‘la namoyon eta olyapmiz.
Har bir sovrinni chin dildan bayram qilish lozim. Ayniqsa, butun mavsum davom etadigan La Ligadagi g‘alabani. Biz Ispaniyada yaqqol eng kuchli jamoa ekanligimizni ko‘rsatdik. Albatta, biz Chempionlar ligasida ham zafar quchishni istaymiz, bu bizning asosiy maqsadimiz. Kelasi yili bizda yana bir imkoniyat bo‘ladi», — dedi de Yong.
