«Barselona» klubi bugun — 11 may kuni chempionlik paradini o‘tkazadi. «Ko‘k-anorranglilar»ning chempionlik yurishi Ispaniya vaqti bilan soat 17:00da (Toshket vaqti bilan 20:00) boshlanadi.

— «Barselona»ning asosiy erkaklar jamoasi 11 may kuni mahalliy vaqt bilan soat 17:00da Barselona ko‘chalariga chiqib, chempionlik va Ispaniya Superkubogidagi g‘alabani muxlislar bilan birgalikda nishonlaydi.

Chempionlar paradi shaharning bir nechta mashhur hududlari orqali o‘tadi va barcha istovchilar uchun ochiq bo‘lgan katta bayramga aylanadi.

Futbolchilar, murabbiylar shtabi va muxlislar nafaqat sovrinlarni, balki jamoaning «Kamp Nou»ga qaytishini ham nishonlaydi. Bu mavsumning eng muhim voqealaridan biri bo‘ldi. Stadion yana bir bor birdamlik, his-tuyg‘u va umumiy faxr ramziga aylandi hamda «Barsa» bilan muxlislar o‘rtasidagi bog‘liqlikni yanada mustahkamladi.

Parad, shuningdek, klub va muxlislar o‘rtasidagi o‘ziga xos munosabatga hurmat ramzi sifatida tashkil etilmoqda. Bu munosabat ishtiyoq, sadoqat va umumiy daxldorlik hissiga asoslangan, — deyiladi Kataloniya klubi matbuot xizmati bayonotida.