«Barselona»ning sobiq himoyachisi Samyuel Umtiti «Real»dagi mavjud vaziyat haqida o‘z fikrlarini bildirdi.
Kecha Madrid klubi La Liganing 35-turida kataloniyaliklarga 0:2 hisobida imkoniyatni boy berdi va chempionlik uchun matematik imkoniyatlarini ham yo‘qotdi.
«Ularda yaxlit jamoa yo‘qligi sezilib turibdi. Har kim o‘zi xohlagancha o‘ynayapti, har kim ko‘ngliga kelganini qilyapti va yonida sherigini qo‘llab-quvvatlaydigan hech kim yo‘q.
Bu jamoada nimadir ishlamayapti. Ular qat’iy qarorlar qabul qilishi va nimanidir o‘zgartirishi kerak, chunki ketma-ket ikki mavsumni sovrinsiz o‘tkazish «Real» kabi jamoa uchun normal holat emas».
Valverde va Tchuameni o‘rtasidagi mushtlashuv haqida:
«Men Orelyenni shaxsan tanimayman, lekin uning juda vazmin yigit ekanligini bilaman. Kiyinish xonasida turli voqealar sodir bo‘lib turishini hammamiz tushunamiz va bu tabiiy hol. Biroq, odatda bunday ishlar kiyinish xonasining ichida qolishi kerak edi», — dedi Umtiti.
