«Барселона»нинг собиқ ҳимоячиси Самюэль Умтити «Реал»даги мавжуд вазият ҳақида ўз фикрларини билдирди.

Кеча Мадрид клуби Ла Лиганинг 35-турида каталонияликларга 0:2 ҳисобида имкониятни бой берди ва чемпионлик учун математик имкониятларини ҳам йўқотди.

«Уларда яхлит жамоа йўқлиги сезилиб турибди. Ҳар ким ўзи хоҳлаганча ўйнаяпти, ҳар ким кўнглига келганини қиляпти ва ёнида шеригини қўллаб-қувватлайдиган ҳеч ким йўқ.

Бу жамоада нимадир ишламаяпти. Улар қатъий қарорлар қабул қилиши ва ниманидир ўзгартириши керак, чунки кетма-кет икки мавсумни совринсиз ўтказиш «Реал» каби жамоа учун нормал ҳолат эмас».

Вальверде ва Тчуамени ўртасидаги муштлашув ҳақида:

«Мен Орельенни шахсан танимайман, лекин унинг жуда вазмин йигит эканлигини биламан. Кийиниш хонасида турли воқеалар содир бўлиб туришини ҳаммамиз тушунамиз ва бу табиий ҳол. Бироқ, одатда бундай ишлар кийиниш хонасининг ичида қолиши керак эди», — деди Умтити.