"Real" himoyachisi Ferlan Mendi jarrohlik amaliyotini o‘tkazganidan so‘ng faoliyatini yakunlash haqida o‘ylamayapti. Bu haqda futbol insayderi Fabrisio Romano o‘zining Telegram-kanalida xabar bermoqda.

Avvalroq Mendi muvaffaqiyatli operasiya qilingani ma’lum bo‘lgan edi. Futbolchining o‘ng oyog‘idagi to‘rt boshli mushak paylarida muammolar bor edi.

Ushbu mavsumda Mendi "qaymoqranglilar" safida atigi 9 ta o‘yinda maydonga tushdi. Uning tiklanishi uchun kamida 4-5 oy vaqt talab etilishi kutilmoqda.