«Manchester Siti» 2025/2026 yilgi mavsum yakunlariga ko‘ra "Etihad Player of the Season" sovriniga da’vogar futbolchilar ro‘yxatini e’lon qildi.
Nomzodlar qatoriga O‘zbekiston milliy terma jamoasi himoyachisi Abduqodir Husanov ham kiritildi. Jamoaning eng yaxshi futbolchisini aniqlash bo‘yicha ovoz berish jarayoni allaqachon boshlangan bo‘lib, u 15 maygacha davom etadi.
Shundan so‘ng hal qiluvchi bosqichga chiqadigan uch nafar finalchi aniqlanadi.
Qayd etish joiz, joriy mavsumda Husanov «shaharliklar» safida ikki marta — yanvar va mart oylarida oyning eng yaxshi futbolchisi deb topilgan.
O‘tgan mavsumda esa «Manchester Siti»ning eng yaxshi futbolchisi sovrini xorvatiyalik himoyachi Yoshko Gvardiolga nasib etgan edi.
