«Nyukasl» hujumchisi Nik Voltemade faoliyatini Ispaniyada davom ettirishi mumkin.

Bild ma’lumotlariga ko‘ra, «hakkalar» germaniyalik forvard transferi bo‘yicha takliflarni ko‘rib chiqishga tayyor.

Madridning «Atletiko» klubi Voltemadega qiziqish bildirmoqda.

Futbolchi 2025 yilda «Shtutgart»dan «Nyukasl»ga 75 million yevroga o‘tgan edi. Uning amaldagi shartnomasi 2031 yil 30 iyungacha mo‘ljallangan.

 Joriy mavsumda hujumchi «soroklar» safida barcha turnirlarda 49 ta o‘yin o‘tkazib, 10 ta gol urdi va 5 ta assist amalga oshirdi. Transfermarkt portaliga ko‘ra, Voltemade narxi 65 million yevro deb baholanmoqda.