«Portu» prezidenti Andre Villash-Boash Robert Levandovskini sotib olish ehtimoli haqida fikr bildirdi. Avvalroq, Portugaliya klubi yozda erkin agentga aylanishi mumkin bo‘lgan «Barselona» hujumchisiga jiddiy qiziqish bildirayotgani haqida xabarlar tarqalgan edi.
«Portu» nomining Levandovski kabi futbol afsonasi bilan birga tilga olinishi biz uchun katta sharaf. Ammo shuni tushunish kerakki, bunday kalibrdagi o‘yinchining moliyaviy talablarini bajarish «Portu»ning imkoniyatlaridan ancha yuqori. Bu — men uchun ayon bo‘lgan birinchi masala.
Hozirgi kunda jamoamizda uch nafar polshalik futbolchi bor va bu bizning asosiy ustunligimiz bo‘lib turibdi. Biroq Levandovski kabi o‘yinchining transferi «Portu» uchun mutlaqo imkonsiz», — dedi Villash-Boash.













