«Порту» президенти Андре Виллаш-Боаш Роберт Левандовскини сотиб олиш эҳтимоли ҳақида фикр билдирди. Аввалроқ, Португалия клуби ёзда эркин агентга айланиши мумкин бўлган «Барселона» ҳужумчисига жиддий қизиқиш билдираётгани ҳақида хабарлар тарқалган эди.
«Порту» номининг Левандовски каби футбол афсонаси билан бирга тилга олиниши биз учун катта шараф. Аммо шуни тушуниш керакки, бундай калибрдаги ўйинчининг молиявий талабларини бажариш «Порту»нинг имкониятларидан анча юқори. Бу — мен учун аён бўлган биринчи масала.
Ҳозирги кунда жамоамизда уч нафар полшалик футболчи бор ва бу бизнинг асосий устунлигимиз бўлиб турибди. Бироқ Левандовски каби ўйинчининг трансфери «Порту» учун мутлақо имконсиз», — деди Виллаш-Боаш.
