«Roma»ning argentinalik futbolchisi Paulo Dibala Rim jamoasida qolishga yaqin turibdi.

La Gazzetta dello Sport nashrining xabar berishicha, klub yangi kelishuv shartlari bo‘yicha futbolchi bilan muzokaralarda sezilarli natijaga erishgan. Shartnoma yaqin kunlarda imzolanishi mumkinligi qayd etilmoqda.

Dibalaning maoshi mavsum uchun 2,5 million yevro atrofida bo‘ladi, biroq futbolchi tomonidan o‘tkazilgan o‘yinlar soni va uning samarali harakatlariga qarab bu miqdor oshirilishi mumkin.

Joriy Italiya Seriya A mavsumida 32 yoshli Dibala 20 ta o‘yinda ishtirok etib, 2 ta gol urdi va 4 ta golli uzatmani amalga oshirdi. Uning amaldagi shartnomasi bir oydan so‘ng yakuniga etadi, futbolchining bozor qiymati esa 5 million yevroga baholanmoqda.