Kataloniyaning «Barselona» klubi tarkibida to‘p surayotgan polshalik to‘purar Robert Levandovski Saudiya Arabistonining «Al-Hilol» jamoasi bilan muzokaralar olib bormoqda. Insayder Fabrisio Romanoning ijtimoiy tarmoqlarda xabar berishicha, hozircha tomonlar hamkorlik bo‘yicha yakuniy kelishuvga erishgani yo‘q.
37 yoshli markaziy hujumchida Saudiya Arabistoni chempionatidan tashqari, MLS (AQSH oliy ligasi)da ham faoliyatini davom ettirish varianti mavjud. Levandovski ayni damda o‘zi uchun qaysi yo‘nalish ko‘proq mos kelishini tanlamoqda. «Barselona»ga kelsak, «ko‘k-anorranglilar» polshalik futbolchi bilan yangi shartnoma borasidagi muzokaralarni to‘xtatib qo‘ygan. Joriy mavsumda Levandovski 44 ta uchrashuvda maydonga tushib, o‘z hisobiga 18 ta gol va 2 ta golli uzatmani yozdirib qo‘ydi.
