«Manchester Yunayted» klubida barqaror o‘yin amaliyoti yetishmasligidan aziyat chekayotgan ingliz yarim himoyachisi Meyson Maunt jamoani tark etishi mumkin. Bu haqda Teamtalk jurnalistlari xabar bermoqda.

Manbaning ma’lum qilishicha, «qizil iblislar» rahbariyati agar yaxshi taklif tushsa, yozgi transfer oynasida 27 yoshli futbolchini qo‘yib yuborishga tayyor. Mankunianliklar futbolchini kelasi mavsum uchun ijaraga berib yuborishlari ham istisno etilmayapti. Mauntni o‘z safiga qo‘shib olishga APL yo‘llanmasini qo‘lga kiritgan «Koventri» klubi qiziqish bildirmoqda. Ushbu jamoani Londonning «Chelsi» klubi sobiq ustozi Frenk Lempard boshqarmoqda.

Meyson joriy mavsumda 23 ta uchrashuvda maydonga tushdi. Yarim himoyachi o‘z hisobiga uchta gol va bitta golli uzatmani yozdirib qo‘ydi.