«Манчестер Юнайтед» клубида барқарор ўйин амалиёти етишмаслигидан азият чекаётган инглиз ярим ҳимоячиси Мэйсон Маунт жамоани тарк этиши мумкин. Бу ҳақда Teamtalk журналистлари хабар бермоқда.
Манбанинг маълум қилишича, «қизил иблислар» раҳбарияти агар яхши таклиф тушса, ёзги трансфер ойнасида 27 ёшли футболчини қўйиб юборишга тайёр. Манкунианликлар футболчини келаси мавсум учун ижарага бериб юборишлари ҳам истисно этилмаяпти. Маунтни ўз сафига қўшиб олишга АПЛ йўлланмасини қўлга киритган «Ковентри» клуби қизиқиш билдирмоқда. Ушбу жамоани Лондоннинг «Челси» клуби собиқ устози Фрэнк Лэмпард бошқармоқда.
Мэйсон жорий мавсумда 23 та учрашувда майдонга тушди. Ярим ҳимоячи ўз ҳисобига учта гол ва битта голли узатмани ёздириб қўйди.
