Bugun Kazemiro «Manchester Yunayted» tarkibida «Old Trafford» stadionidagi o‘zining so‘nggi uchrashuvini o‘tkazadi. Braziliyalik futbolchi mavsum yakunida klubni erkin agent maqomida tark etadi, bu haqda shu yilning boshidayoq ma’lum bo‘lgan edi.

Taniqli jurnalist Sam C xabariga ko‘ra, «qizil iblislar» muxlislaridan Kazemiroga hurmat bajo keltirish uchun yakshanba kungi «Nottingem Forest»ga qarshi bahs boshlanishidan avvalroq stadiondagi joylarini egallash so‘ralgan. Fan-tribunada yarim himoyachiga bag‘ishlangan ulkan banner yoziladi.

Bundan tashqari, Kazemiro bilan o‘yin tugaganidan keyin ham xayrlashiladi, shundan so‘ng bosh murabbiy Maykl Kerrik stadionga yig‘ilgan tomoshabinlar qarshisida nutq so‘zlaydi. «Manchester Yunayted» va «Nottingem Forest» o‘rtasidagi uchrashuv Toshkent vaqti bilan 16:30 da boshlanadi.