Bosniyalik hujumchi Edin Jekodan Italiya terma jamoasining yana Jahon chempionatini o‘tkazib yuborayotgani haqida nima deb o‘ylashini so‘rashdi. Taqdirning achchiq hazili bilan italyanlarni bu imkoniyatdan aynan Jeko va uning jamoadoshlari mahrum qilishdi — bu voqea italyanlar uchun dahshatli tushga aylangan Zenisadagi uchrashuvda yuz berdi. Shu sababli Jeko bunday savolga javob berayotganda ancha ehtiyotkor bo‘ldi.
«Menimcha, men bu haqda so‘rash kerak bo‘lgan eng so‘nggi odamman. Ammo ochig‘i, italyanlar ketma-ket uchinchi marta Jahon chempionatini o‘tkazib yuborib, juda og‘ir davrni boshdan kechirishmoqda. Bunday vaziyatga aslo yo‘l qo‘yib bo‘lmaydi», — deya Jekoning so‘zlaridan iqtibos keltirmoqda derbyderbyderby.it.
Bosniya va Gersegovina terma jamoasi o‘z tarixida ikkinchi bor Jahon chempionatida ishtirok etadi.
