«Nottingem Forest» klubi hujumkor yarim himoyachisi Morgan Gibbs-Uaytning goli APLning joriy mavsumidagi 1000-gol bo‘ldi. Bu haqda OptaJoe nashri xabar bermoqda.

«Nottingem Forest» va «Manchester Yunayted» klublari o‘rtasidagi uchrashuv 2:3 hisobida yakunlandi. Mavsum tugashiga bir tur qolganda «Nottingem» 43 ochko bilan 16-o‘rinda bormoqda va yana bir pog‘ona yuqoriga ko‘tarilishi mumkin, «Manchester Yunayted» esa 3-o‘rinni naqd qilib bo‘lgan.

Angliya chempionati ketma-ket 11-mavsumdirki 1000 ta urilgan gollar dovonidan o‘tmoqda. Bu seriya turnir tarixidagi eng uzoq davom etayotgan seriyalardan biri bo‘lib qolmoqda. Avvalroq Gibbs-Uayt APLda mavsumning eng yaxshi futbolchisi unvoniga nomzod qilib ko‘rsatilgani ma’lum bo‘lgan edi.