«Ноттингем Форест» клуби ҳужумкор ярим ҳимоячиси Морган Гиббс-Уайтнинг голи АПЛнинг жорий мавсумидаги 1000-гол бўлди. Бу ҳақда OptaJoe нашри хабар бермоқда.
«Ноттингем Форест» ва «Манчестер Юнайтед» клублари ўртасидаги учрашув 2:3 ҳисобида якунланди. Мавсум тугашига бир тур қолганда «Ноттингем» 43 очко билан 16-ўринда бормоқда ва яна бир поғона юқорига кўтарилиши мумкин, «Манчестер Юнайтед» эса 3-ўринни нақд қилиб бўлган.
Англия чемпионати кетма-кет 11-мавсумдирки 1000 та урилган голлар довонидан ўтмоқда. Бу серия турнир тарихидаги энг узоқ давом этаётган сериялардан бири бўлиб қолмоқда. Аввалроқ Гиббс-Уайт АПЛда мавсумнинг энг яхши футболчиси унвонига номзод қилиб кўрсатилгани маълум бўлган эди.
