«Chelsi» hujumchisi Joao Pedro hali hamon «Barselona»ning qiziqishlar ro‘yxatida turibdi. El Chiringuito nashrining xabariga ko‘ra, braziliyalik futbolchi London klubi rahbariyatidan o‘zini «Barselona»ga qo‘yib yuborishlarini so‘ragan.
«Ko‘klar»ning rasmiy vakillari ayni damda Ispaniyada bo‘lib turishibdi. Ular ushbu hujumchining kelajagini muhokama qilish uchun jamoaning yangi bosh murabbiyi Xabi Alonso bilan uchrashuv o‘tkazishni rejalashtirishgan. «Ko‘k-anorranglilar» yangi hujumchi sotib olish uchun 100 million yevro sarflashga tayyor, Joao Pedro esa Kataloniya klubining asosiy variantlaridan biri bo‘lib turibdi.
Joriy mavsumda Joao Pedro «Chelsi» safinda barcha turnirlarda 49 ta uchrashuvda maydonga tushib, 20 ta gol urdi va 9 ta golli uzatmani amalga oshirdi. Uning «ko‘klar» bilan amaldagi shartnomasi 2033 yilning 30 iyuniga qadar mo‘ljallangan.
