Angliya futbol assosiasiyasi (FA) «Sautgempton» klubiga nisbatan josuslik mojarosi sababli keng ko‘lamli tergov harakatlarini boshladi. Bu mojaro allaqachon klubning Chempionship pley-off finali yo‘llanmasidan mahrum bo‘lishiga olib kelgan edi.
Angliya futbol ligasi (EFL) faqat klublarni jazolash vakolatiga ega bo‘lganligi sababli, ishga FA aralashdi. Endilikda assosiasiya rahbarligida aniq shaxslarga nisbatan tergov olib borilmoqda.
FA aynan kimlar josuslikda ishtirok etganini, shuningdek, bu jarayonni rag‘batlantirgan yoki undan xabardor bo‘lganlarni aniqlamoqda.
Ish ayblanuvchilari uzoq muddatli diskvalifikasiyaga duchor bo‘lishlari mumkin.
