Англия футбол ассоциацияси (ФА) «Саутгемптон» клубига нисбатан жосуслик можароси сабабли кенг кўламли тергов ҳаракатларини бошлади. Бу можаро аллақачон клубнинг Чемпионшип плей-офф финали йўлланмасидан маҳрум бўлишига олиб келган эди.
Англия футбол лигаси (EФЛ) фақат клубларни жазолаш ваколатига эга бўлганлиги сабабли, ишга ФА аралашди. Эндиликда ассоциация раҳбарлигида аниқ шахсларга нисбатан тергов олиб борилмоқда.
ФА айнан кимлар жосусликда иштирок этганини, шунингдек, бу жараённи рағбатлантирган ёки ундан хабардор бўлганларни аниқламоқда.
Иш айбланувчилари узоқ муддатли дисквалификацияга дучор бўлишлари мумкин.
