MLS IFAB bilan o‘yin vaqtidan samaraliroq foydalanish va uni optimallashtirish bo‘yicha muzokaralar olib bormoqda, deb yozadi The Guardian.

Bu ma’lumotni Ali Kertis ham tasdiqlagan. Uning so‘zlariga ko‘ra, muhokamalar muxlislar uchun o‘yinni tushunishni osonlashtirish va qoidalarni yanada aniq va izchil qilishga qaratilgan keng ko‘lamli yangiliklarni o‘z ichiga olgan.

Eslatib o‘tamiz, 2017 yilda ham ushbu masala ko‘tarilgan, biroq o‘shanda hakamlarga matchdan keyin ko‘proq qo‘shimcha vaqt berish bilan cheklanishga qaror qilingan edi. Shu bilan birga, IFAB 90 daqiqani o‘yinning o‘zgarmas standarti sifatida saqlab qolish tarafdori bo‘lgan.

Hozirgi vaziyatda ham MLS uchun bu islohotni amalga oshirish oson bo‘lmaydi. Mutaxassislarga ko‘ra, IFAB faqat ko‘proq tomonlar ushbu tashabbusni qo‘llab-quvvatlagan taqdirdagina eksperimentga rozi bo‘lishi mumkin.