«Bavariya» himoyachisi Xiroki Ito yozgi transfer oynasida klubni tark etishi mumkin.
Yapon futbolchisi jarohatlar sababli tez-tez safdan chiqdi va Myunxen grandining asosiy tarkibidan mustahkam o‘rin egallay olmadi. Jurnalistlar Kristian Falk va Xayko Niddererning xabar berishicha, agar 27 yoshli futbolchi uchun 20 million yevrodan boshlanuvchi taklif tushsa, «Bavariya» uni sotish imkoniyatini ko‘rib chiqadi.
Nufuzli Transfermarkt portali ekspertlari Xiroki Itoning qiymatini 18 million yevroga baholashmoqda. Joriy mavsumda futbolchi Vensan Kompani jamoasi safida 22 ta o‘yinda maydonga tushib, o‘z hisobiga bitta gol va ikkita golli uzatmani yozdirib qo‘ydi. Chap qanot himoyasida ham o‘ynashga qodir bo‘lgan markaziy himoyachining amaldagi shartnomasi 2028 yilgacha mo‘ljallangan.
