«Бавария» ҳимоячиси Хироки Ито ёзги трансфер ойнасида клубни тарк этиши мумкин.

Япон футболчиси жароҳатлар сабабли тез-тез сафдан чиқди ва Мюнхен грандининг асосий таркибидан мустаҳкам ўрин эгаллай олмади. Журналистлар Кристиан Фальк ва Хайко Ниддерернинг хабар беришича, агар 27 ёшли футболчи учун 20 миллион евродан бошланувчи таклиф тушса, «Бавария» уни сотиш имкониятини кўриб чиқади.

Нуфузли Transfermarkt портали экспертлари Хироки Итонинг қийматини 18 миллион еврога баҳолашмоқда. Жорий мавсумда футболчи Венсан Компани жамоаси сафида 22 та ўйинда майдонга тушиб, ўз ҳисобига битта гол ва иккита голли узатмани ёздириб қўйди. Чап қанот ҳимоясида ҳам ўйнашга қодир бўлган марказий ҳимоячининг амалдаги шартномаси 2028 йилгача мўлжалланган.