Fransiyaning «PSJ» klubi asosiy darvozaboni Matvey Safonov UYEFA Chempionlar ligasi doirasida Londonning «Arsenal» jamoasiga qarshi bo‘lib o‘tadigan hal qiluvchi bahs oldidan o‘z fikrlarini bildirdi.
«Jamoa final o‘yiniga tayyorgarlikni boshladi. Hozir bor xayolimiz ushbu uchrashuv bilan band. Biz xotirjamlikni saqlashimiz lozim. O‘yinga maksimal darajada diqqat qaratish va tayyorgarlik jarayonini to‘liq yig‘ilgan holda o‘tkazish zarur», — deya rossiyalik posbonning so‘zlarini keltirmoqda klub matbuot xizmati.
Chempionlar ligasining 2025/2026 yilgi mavsumi doirasidagi «PSJ» va «Arsenal» o‘rtasidagi final uchrashuvi 30 may kuni Budapeshtdagi stadionda bo‘lib o‘tadi. Ta’kidlab o‘tish joizki, Parij grandi ushbu turnirning amaldagi g‘olibi hisoblanadi.
