«PSJ» bosh murabbiyi Luis Enrike «Manchester Siti» ustozi Xosep Gvardiolaning faoliyatidagi qaysi jihatlar uni hayratga solishini so‘zlab berdi. Avvalroq ispaniyalik mutaxassisning «Siti»dagi 10 yillik davri yakuniga yetgani ma’lum bo‘lgan edi. U 2025/2026 yilgi mavsum tugaganidan keyin klubni tark etadi.

«U haqiqiy namunadir, chunki men uchun u barcha davrlarning eng yaxshi murabbiyi hisoblanadi. Bunga sabab u qo‘lga kiritgan sovrinlar soni emas, balki u maydonga olib kirayotgan g‘oyalar, buni qanday amalga oshirayotgani, Pepning futbol o‘yinini qanday o‘zgartira olgani hamda markaziy yoki qanot himoyachilarini maydon markaziga ko‘chirishga botinganidir», — deya «Movistar» Enrikening so‘zlarini keltirmoqda.

Eslatib o‘tamiz, 33-tur yakunlariga ko‘ra «Siti» APL chempionligi uchun imkoniyatlarni yo‘qotdi va bosh sovrin 22 yil ichida ilk bor «Arsenal»ga nasib etdi. Gvardiola esa ushbu mavsumda o‘z hisobiga Angliya Kubogini yozdirib qo‘yishga muvaffaq bo‘ldi.