«Al-Hilol» hujumchisi Darvin Nunyes Angliya Premyer-ligasiga qaytishi mumkin. Futbolchining xizmatlariga «Nyukasl» klubi qiziqish bildirmoqda. Bu haqda «talkSPORT» nashri ma’lumot tarqatdi.
Manba bergan xabarlarga ko‘ra, Aleksandr Isak jamoadan ketganidan so‘ng hujum chizig‘idagi muammoni aslo hal qila olmayotgan «hakkalar» bosh murabbiyi Eddi Xau Nunyes bilan shartnoma imzolashni xohlamoqda. Nunyes ««Al-Hilol» bilan mehnat shartnomasini bekor qilishi va Angliyaga qaytishi kutilmoqda. Ayni damda tomonlar o‘zaro muzokaralar olib borishyapti.
Joriy mavsumda 26 yoshli urugvaylik futbolchi barcha turnirlarda bor-yo‘g‘i 24 ta uchrashuvda maydonga tushib, 9 ta gol urdi va 5 ta golli uzatmani o‘z hisobiga yozdirib qo‘ydi. Ta’kidlab o‘tish joizki, Nunyes fevral oyidan beri maydonga tushgani yo‘q, chunki «Al-Hilol» legionerlar limitidan oshib ketgani sababli uni mavsum uchun ro‘yxatdan chiqarib tashlagan edi.
