«Sevilya» klubi himoyachisi Sesar Aspilikueta joriy mavsum uning professional faoliyatidagi so‘nggisi bo‘lishini e’lon qildi.

Ispaniyalik futbolchi o‘z faoliyatini «Osasuna»da boshlagan, keyinchalik «Marsel», «Chelsi» va «Atletiko» Madrid klublarida to‘p surgan edi. Uning faoliyatidagi so‘nggi jamoa «Sevilya» bo‘ldi.

Murabbiy va muxlislar Aspilikueta faoliyatining eng yorqin va asosiy davri sifatida «Chelsi»dagi 11 yillik ishtirokini e’tirof etishadi. London klubi safida u 500 dan ortiq uchrashuvda maydonga tushib, jami 9 ta sovrinni qo‘lga kiritgan — ular qatorida Chempionlar ligasi, APLdagi ikkita chempionlik, Yevropa ligasi, UEFA Superkubogi va klublar o‘rtasidagi Jahon chempionati bosh sovrinlari bor.

Shuningdek, Aspilikueta Ispaniya milliy terma jamoasi libosida ham 44 ta uchrashuvda maydonga tushgan.