«Севилья» клуби ҳимоячиси Сесар Аспиликуэта жорий мавсум унинг профессионал фаолиятидаги сўнггиси бўлишини эълон қилди.

Испаниялик футболчи ўз фаолиятини «Осасуна»да бошлаган, кейинчалик «Марсель», «Челси» ва «Атлетико» Мадрид клубларида тўп сурган эди. Унинг фаолиятидаги сўнгги жамоа «Севилья» бўлди.

Мураббий ва мухлислар Аспиликуэта фаолиятининг энг ёрқин ва асосий даври сифатида «Челси»даги 11 йиллик иштирокини эътироф этишади. Лондон клуби сафида у 500 дан ортиқ учрашувда майдонга тушиб, жами 9 та совринни қўлга киритган — улар қаторида Чемпионлар лигаси, АПЛдаги иккита чемпионлик, Европа лигаси, УЕФА Суперкубоги ва клублар ўртасидаги Жаҳон чемпионати бош совринлари бор.

Шунингдек, Аспиликуэта Испания миллий терма жамоаси либосида ҳам 44 та учрашувда майдонга тушган.