Milanning "Inter" klubi qanot himoyachisi Federiko Dimarko Italiya chempionatining joriy mavsumidagi eng yaxshi futbolchi deb topildi. Bu haqda A Seriya rasmiy sayti xabar bermoqda.

Italiyalik futbolchi 34 ta uchrashuvda maydonga tushib, o‘z hisobiga 6 ta gol va 18 ta golli uzatmani yozdirib qo‘ydi. Dimarko 7 ochkolik farq bilan liganing eng yaxshi assistenti hisoblanadi.

28 yoshli himoyachi ushbu mukofotni "Inter" va "Bolonya" jamoalari o‘rtasidagi A Seriya so‘nggi tur uchrashuvi oldidan qabul qilib oladi. Bahs ertaga, 23 may kuni bo‘lib o‘tadi va Toshkent vaqti bilan soat 21:00 da boshlanadi.

Dimarkoning "neradzurrilar" bilan amaldagi mehnat shartnomasi 2027 yilning iyunigacha mo‘ljallangan.