Oq uyning sobiq rasmiysi Endryu Juliani Kongo DR terma jamoasi AQSHga kirish huquqini qo‘lga kiritish uchun 21 kunlik qat’iy karantin talabiga rioya qilishi shartligini ma’lum qildi. Ushbu jamoa 2026 yilgi jahon chempionatida ishtirok etishi lozim. Bu chora mintaqada Ebola isitmasi virusi tarqalgani bilan bog‘liq.
Hozirda kongoliklar Belgiyada o‘quv-mashg‘ulot yig‘inini o‘tkazmoqda va endi futbolchilar izolyasiyada qolishlari shart.
«Biz juda aniq gapirdik: ular Xyustonga yetib kelishlaridan oldin 21 kun davomida o‘z tibbiy izolyasiya zonasi yaxlitligini saqlab qolishlari kerak. Agar buni amalga oshirmasalar, AQSHga kira olmasliklari mumkin», — dedi Juliani ESPN bilan suhbatda.
Kongoliklarning Yevropada o‘rtoqlik uchrashuvlari o‘tkazish rejasi bor edi, ammo endi karantin cheklovlari sabab ularning o‘tkazilishi so‘roq ostida qolmoqda. Terma jamoa mundial guruh bosqichida Portugaliya, Kolumbiya va O‘zbekiston terma jamoalari bilan kuch sinashishi kerak.
