Boks bo‘yicha sobiq jahon chempioni Tayson Fyuri va shvesiyalik sobiq futbolchi Zlatan Ibragimovich Angliyaning «Morkam» klubi egalariga aylanishi mumkin, deb xabar bermoqda The Sun.

Manbaning ta’kidlashicha, klubni sotib olish g‘oyasi ikki sportchining Polshadagi uchrashuvidan so‘ng paydo bo‘lgan. U yerda ular Jahon chempionati bilan bog‘liq reklama kampaniyasi ustida ishlashgan. Suhbat davomida klubni sotib olish va loyihani rivojlantirish imkoniyatlari muhokama qilingan.

Ma’lumotlarga ko‘ra, Fyuri va Ibragimovich jamoani sotib olishdan tashqari, Netflix platformasida «Morkamning yuksalishi» nomli hujjatli serial chiqarishni ham rejalashtirmoqda. Bu loyiha Gollivud yulduzlari Rayan Reynolds va Rob MakElxenni tomonidan sotib olingan «Reksxem»ning muvaffaqiyatini takrorlashi mumkin.