Бокс бўйича собиқ жаҳон чемпиони Тайсон Фьюри ва швециялик собиқ футболчи Златан Ибрагимович Англиянинг «Моркам» клуби эгаларига айланиши мумкин, деб хабар бермоқда The Sun.
Манбанинг таъкидлашича, клубни сотиб олиш ғояси икки спортчининг Польшадаги учрашувидан сўнг пайдо бўлган. У ерда улар Жаҳон чемпионати билан боғлиқ реклама кампанияси устида ишлашган. Суҳбат давомида клубни сотиб олиш ва лойиҳани ривожлантириш имкониятлари муҳокама қилинган.
Маълумотларга кўра, Фьюри ва Ибрагимович жамоани сотиб олишдан ташқари, Netflix платформасида «Моркамнинг юксалиши» номли ҳужжатли сериал чиқаришни ҳам режалаштирмоқда. Бу лойиҳа Голливуд юлдузлари Райан Рейнольдс ва Роб МакЭлхенни томонидан сотиб олинган «Рексхэм»нинг муваффақиятини такрорлаши мумкин.
