«Vest Xem» hujumchisi Jarrad Bouen jamoaning 2025/26 yilgi muvaffaqiyatsiz mavsumi haqida o‘z fikrlarini bildirdi.

«Muxlislarimiz va klub bilan bog‘liq bo‘lgan har bir inson uchun qalbimiz vayron bo‘ldi. Biz doimo boshqalarning natijasiga qarab qoldik, garchi oxirgi bir necha hafta ichida yaxshiroq holatga kelishimiz mumkin edi. Bizda saqlanib qolgan kichik umidni ro‘yobga chiqarish uchun g‘alaba qozonishimiz kerakligini bilardik, ammo buning iloji bo‘lmadi. Mavsumning katta qismini turnir jadvalining quyi qismida o‘tkazdik, demak, so‘nggi yillarda o‘zimiz o‘rnatgan darajaga chiqa olmaganimizni yaxshi bilamiz.

O‘tgan yili amallab ligada qolgan edik va yangi mavsumni toza sahifadan boshlab, yanada yaxshiroq natija ko‘rsatishni istagandik, biroq natijada ligadan chiqib ketdik. Bu juda alamli, chunki men bu yerda erishgan muvaffaqiyatlarimizga guvoh bo‘lganman. Klubga aloqador barchaning yuragi siqilganini bilaman, shuning uchun muxlislarga ko‘rsatgan o‘yinimiz uchun faqat uzr so‘ray olamiz. Hozircha hech qanday umid uchquni yoki ijobiy narsa ko‘rinmayapti», — deya 29 yoshli angliyalik futbolchining so‘zlarini keltiradi klub matbuot xizmati.

Ma’lumot uchun, «Vest Xem» Angliya chempionatining 38 ta o‘yinida 39 ochko to‘plab, 18-o‘rinni egalladi va APLni tark etdi. Endilikda jamoa 2026/27 yilgi mavsumni Chempionshipda boshlaydi.