O‘zbekiston kubogi 3-turidan o‘rin olgan «Guliston» - «Buxoro» (4:1) o‘yinidan so‘ng mezbonlar bosh murabbiyi Abbos Ergashev o‘z fikrlarini bildirdi.

«Sirdaryolik barcha muxlislarni tabriklayman. Klub rahbarlari, viloyatdagi futbolga aloqadar insonlarni g‘alaba bilan qutlayman. O‘yinga kelsak, raqibga mos taktika ishlab chiqqan edik. O‘ylaymanki, bu rejalar hammasi o‘xshadi. Raqib Superliga jamoasi bo‘lgani sababali tarkib to‘liq kuchli edi. Biz qarshi hujum taktikasini tanlab uchrashuvda g‘alaba qozondik.

Raqib jamoaning mag‘lubiyatiga nima sabab bo‘lganini ayta olmayman. Bilganim shuki, biz g‘alaba qozonishni juda istagandik. Bunga erishish uchun oxirigacha harakat qildik va yakunda maqsadga erishdik», — dedi Ergashev o‘yindan keyingi matbuot anjumanining ikkinchi qismida.