«Real» prezidenti Florentino Peres jamoaning bo‘lajak murabbiyi haqidagi savolga piching bilan javob qaytardi.

Avvalroq, klubni Joze Mourinyo boshqarishi haqida xabar berilgan edi. Kelishuvni imzolash go‘yoki madridliklarning muddatidan oldingi prezidentlik saylovlari o‘tkazilguniga qadar qoldirilgan. Peres qayta saylangan taqdirda portugaliyalik mutaxassis ortga qaytadi.

— Florentino, Mourinyo «Real»ning keyingi murabbiyi bo‘ladimi?

— Xo‘sh, men o‘zim murabbiy bo‘lish haqida o‘ylab turibman...

— Siz Mourinyoni tayinlamoqchimisiz?

— Yo‘q, men, men o‘zim bo‘laman, — dedi Peres CMTV/Now muxbirlariga.