«Arsenal» hujumkor yarim himoyachi Morgan Rojersni sotib olishga jiddiy da’vogarlik qilmoqda. London klubi ushbu futbolchini qo‘lga kiritishi uchun katta mablag‘ sarflashiga to‘g‘ri keladi — «Aston Villa» Rojersning narxini 80 million funtdan (92 million yevrodan) oshiq deb hisoblamoqda.

Shu bilan birga, jurnalist Ben Jeykobsning ta’kidlashicha, Rojers bu borada xotirjamlik saqlamoqda. U jamoadan ketishga shoshilmayapti va agar kelajagi Jahon chempionati yakuniga qadar hal bo‘lmasa, bu vaziyatni xotirjam qabul qiladi. Shunga qaramay, «Aston Villa» agar munosib taklif tushsa, Morganni mundialgacha sotishga tayyor.

23 yoshli Rojers, shuningdek, «Manchester Yunayted», «Chelsi» va «PSJ» klublarining ham nishonida turibdi.