«Арсенал» ҳужумкор ярим ҳимоячи Морган Рожерсни сотиб олишга жиддий даъвогарлик қилмоқда. Лондон клуби ушбу футболчини қўлга киритиши учун катта маблағ сарфлашига тўғри келади — «Астон Вилла» Рожерснинг нархини 80 миллион фунтдан (92 миллион евродан) ошиқ деб ҳисобламоқда.

Шу билан бирга, журналист Бен Жейкобснинг таъкидлашича, Рожерс бу борада хотиржамлик сақламоқда. У жамоадан кетишга шошилмаяпти ва агар келажаги Жаҳон чемпионати якунига қадар ҳал бўлмаса, бу вазиятни хотиржам қабул қилади. Шунга қарамай, «Астон Вилла» агар муносиб таклиф тушса, Морганни мундиалгача сотишга тайёр.

23 ёшли Рожерс, шунингдек, «Манчестер Юнайтед», «Челси» ва «ПСЖ» клубларининг ҳам нишонида турибди.