«Tottenxem» Markos Senesi bilan shartnoma imzolashga yaqin turibdi.
«BBC» xabariga ko‘ra, London klubi yozda «Bornmut»ni erkin agent sifatida tark etadigan himoyachi bilan shartnoma shartlarini deyarli kelishib oldi.
Avvalroq 29 yoshli futbolchiga «Manchester Yunayted» va «Chelsi» klublari ham qiziqish bildirayotgani haqida xabarlar tarqalgan edi.
O‘tgan mavsumda Senesi APL doirasida 37 ta uchrashuvda maydonga tushib, 5 ta golli uzatmaga mualliflik qildi.













