«Barselona» markaziy himoyachisi Ronald Arauxo jamoa o‘tgan mavsumda La Ligada qanday qilib ishonchli tarzda zafar quchgani haqida so‘zlab berdi. Xans-Diter Flik jamoasi 94 ochko to‘plab, 95 ta gol urdi va o‘z darvozasidan 36 ta gol o‘tkazib yubordi. Ikkinchi o‘rinni egallagan Madridning «Real» klubi bilan farq sakkiz ochkoni tashkil etdi.

«Biz butun turnir davomida izchil bo‘ldik. O‘z uyimizda ajoyib o‘yin namoyish etdik, 19 ta o‘yindan 19 tasida g‘alaba qozondik, shuningdek, qiyin safar uchrashuvlarida ham muntazam ravishda zafar quchdik. Barqarorligimiz — muvaffaqiyatimizning asosiy omili», — deya Arauxoning intervyusidan iqtibos keltiradi Barca Universal.

Ma’lumot uchun, Chempionlar ligasida «Barselona» chorak finalga qadar yetib bordi, Ispaniya kubogida esa yarim finalda to‘xtadi. Har ikkala turnirda ham kataloniyaliklar uchun «Atletiko» yengilmas to‘siq bo‘lib chiqdi.