«Kristal Pelas»ni tark etgan bosh murabbiy Oliver Glasner «Milan»dagi murabbiylik lavozimiga nomzodga aylandi. «Rossoneri»lar Massimiliano Allegri bilan xayrlashgandan so‘ng yangi ustoz qidirmoqda.

Insayder Nikolo Skiraning xabar berishicha, Italiya klubi rahbariyati Glasnerni tayinlash haqida jiddiy o‘ylab qolgan. Avstriyalik mutaxassisga, shuningdek, Leverkuzenning «Bayer» klubi ham da’vogarlik qilmoqda. Bundan oldin «Milan»ning Andoni Iraola, Maurisio Pochettino va Xavi Ernandesga qiziqayotgani haqida xabarlar tarqalgan edi.

Jamoa A Seriya turnir jadvalida beshinchi o‘rinni egallab, Championlar ligasi yo‘llanmasini qo‘lga kirita olmadi. Oliver Glasner esa «burgutlar» boshqaruvidagi o‘zining so‘nggi uchrashuvida «Kristal Pelas»ni Konferensiyalar ligasi g‘olibligiga boshlab kelgan edi.