Budapesht polisiyasi Chempionlar ligasi finali oldidan yuz bergan ommaviy mushtlashuv ishtirokchilarini aniqlash uchun videokuzatuv kameralari yozuvlarini o‘rganmoqda. 30 may kuni hal qiluvchi o‘yinda Angliyaning «Arsenal» va Fransiyaning «PSJ» jamoalari o‘zaro bahs olib borishadi.
Huquqni muhofaza qiluvchi organlar ma’lumotiga ko‘ra, voqea kechasi Vengriya poytaxti tumanlaridan birida yuz bergan. Ijtimoiy tarmoqlarda har ikki klubdan 30 nafardan muxlis ishtirok etgan mushtlashuv va pirotexnika vositalari qo‘llanilgani aks etgan videolar tarqaldi.
Chempionlar ligasi finali «Pushkash Arena» stadionida bo‘lib o‘tadi. O‘yin Toshkent vaqti bilan soat 21:00 da boshlanishi rejalashtirilgan. Tartibni saqlash uchun shaharda 4 000 nafarga yaqin polisiya xodimi xizmat qiladi. Ta’kidlanishicha, ushbu o‘yin Vengriya tarixidagi eng katta bir kunlik polisiya kuchlari safarbar qilingan tadbir bo‘ladi.
