«PSJ» bosh murabbiyi Luis Enrike matbuot anjumanida Chempionlar ligasi finali uchun asosiy tarkibni tanlash borasidagi fikrlari bilan o‘rtoqlashdi. Enrikening so‘zlariga ko‘ra, yarim himoyachi Uorren Zair-Emeri asosiy tarkibda o‘ynashga loyiq edi.
«Bir narsani ta’kidlab o‘tmoqchiman. Men Uorrenga nisbatan juda adolatsizlik qildim – u o‘yinni asosiy tarkibda boshlashga haqli edi. U o‘z xarakterini ko‘rsatgan holda mening qarorimni xotirjam qabul qildi. Men buni alohida e’tirof etmoqchiman», — dedi Enrike jurnalistlarga.
«PSJ»ning o‘yinni boshlagan yarim himoya triosi Vitinya, Joau Nevesh va Fabian Ruisdan iborat edi. Uorren Zair-Emeri esa 95-daqiqada zaxiradan maydonga tushdi.
