«ПСЖ» бош мураббийи Луис Энрике матбуот анжуманида Чемпионлар лигаси финали учун асосий таркибни танлаш борасидаги фикрлари билан ўртоқлашди. Энрикенинг сўзларига кўра, ярим ҳимоячи Уоррен Заир-Эмери асосий таркибда ўйнашга лойиқ эди.
«Бир нарсани таъкидлаб ўтмоқчиман. Мен Уорренга нисбатан жуда адолатсизлик қилдим – у ўйинни асосий таркибда бошлашга ҳақли эди. У ўз характерини кўрсатган ҳолда менинг қароримни хотиржам қабул қилди. Мен буни алоҳида эътироф этмоқчиман», — деди Энрике журналистларга.
«ПСЖ»нинг ўйинни бошлаган ярим ҳимоя триоси Витинья, Жоау Невеш ва Фабиан Руисдан иборат эди. Уоррен Заир-Эмери эса 95-дақиқада захирадан майдонга тушди.
