«Barselona» bosh murabbiyi Hans-Diter Flik 2025/26 yilgi mavsum yakunlariga ko‘ra Ispaniya chempionatining eng yaxshi murabbiyi deb topildi. Bu haqda La Liga matbuot xizmati xabar berdi.
Flik uchun bu mukofot ketma-ket ikkinchisi bo‘ldi. U ovoz berish jarayonida «Xetafe» murabbiyi Xose Bordalas va «Vilyarreal» sobiq ustozi Marselino Toralni ortda qoldirdi.
Flik qo‘l ostidagi kataloniyaliklar 38 tur davomida 94 ochko jamg‘arib, navbatdagi chempionlik unvonini qo‘lga kiritdi. Yakunlangan mavsumda «Barselona» atigi olti marotaba mag‘lubiyatga uchradi va 95 ta gol urib, turnirning eng sermahsul jamoasiga aylandi.
