«Барселона» бош мураббийи Ҳанс-Дитер Флик 2025/26 йилги мавсум якунларига кўра Испания чемпионатининг энг яхши мураббийи деб топилди. Бу ҳақда Ла Лига матбуот хизмати хабар берди.
Флик учун бу мукофот кетма-кет иккинчиси бўлди. У овоз бериш жараёнида «Хетафе» мураббийи Хосе Бордалас ва «Вильярреал» собиқ устози Марселино Торални ортда қолдирди.
Флик қўл остидаги каталонияликлар 38 тур давомида 94 очко жамғариб, навбатдаги чемпионлик унвонини қўлга киритди. Якунланган мавсумда «Барселона» атиги олти маротаба мағлубиятга учради ва 95 та гол уриб, турнирнинг энг сермаҳсул жамоасига айланди.
