«Everton» «Arsenal» jamoasi hujumchisi Gabriel Jezusni o‘z tarkibiga qo‘shib olishni istamoqda. Bu haqda Football Insider xabar bermoqda.

Potensial transferning asosiy muammosi — «Arsenal»ning 29 yoshli futbolchi uchun so‘rayotgan narxidir. Manbaga ko‘ra, «irislar» (Everton) braziliyalik futbolchi uchun 20 million funt sterling yoki hozirgi kurs bo‘yicha 23 million yevro to‘lashga tayyor emas.

«Everton» uchun yana bir «bosh og‘riq» bu — futbolchining maoshi. Jezus «Arsenal»dagi eng yuqori maosh oluvchi o‘yinchilardan biri hisoblanadi.

O‘tgan mavsumda Jezus 27 ta o‘yinda atigi oltita gol urdi. U mavsumning yarmini tizzasidan olgan og‘ir jarohat tufayli o‘tkazib yuborgan edi.